करिअर कट्टा अंतर्गत पिंपळनेर महाविद्यालयात ‘करिअर संसद’ स्थापन; शपथविधी समारंभ उत्साहात पार
पिंपळनेर, दि.15 (प्रतिनिधी) – कर्म. आ. मा. पाटील कला, वाणिज्य व कै. अण्णासाहेब एन.के. पाटील विज्ञान वरिष्ठ महाविद्यालयात ‘करिअर कट्टा’ उपक्रमांतर्गत करिअर संसदेची स्थापना करण्यात आली. या संसदेच्या पदाधिकाऱ्यांचा शपथविधी समारंभ महाविद्यालयात संपन्न झाला.
या उपक्रमामध्ये महाराष्ट्र राज्य उच्च व तंत्र शिक्षण विभाग आणि माहिती तंत्रज्ञान सहाय्यता केंद्र यांच्या संयुक्त विद्यमाने विद्यार्थ्यांच्या सर्वांगीण विकासासाठी करिअर कट्टा राबवला जात आहे.
शपथविधी समारंभाच्या अध्यक्षस्थानी महाविद्यालयाचे प्राचार्य प्रा. डॉ. लहू पवार होते. त्यांनी मार्गदर्शन करताना सांगितले की, "करिअर कट्टा हे विद्यार्थ्यांच्या व्यक्तिमत्व विकासाचे प्रभावी व्यासपीठ आहे. विद्यार्थ्यांनी याचा जास्तीत जास्त लाभ घ्यावा."
करिअर कट्टा समन्वयक प्रा. डॉ. सतीश मस्के यांनी यावेळी सांगितले की, "या उपक्रमामुळे विद्यार्थ्यांना स्पर्धा परीक्षा, उद्योग व्यवसाय, व्यक्तिमत्व विकास या सर्व बाबींचा सखोल अभ्यास करता येतो."
कार्यक्रमात ‘करिअर संसद’ पदाधिकाऱ्यांमध्ये खालील विद्यार्थ्यांची निवड करण्यात आली:
- मुख्यमंत्री – सानिका बिपिनचंद्र भदाणे
- माहिती व प्रसारण मंत्री – आएशा अनिस अहमद
- कायदे व शिस्त मंत्री – आरती राजेंद्र पवार
- महिला व बाल कल्याण मंत्री – तेजस्विनी महेश सोनवणे
- उद्योजकता विकास मंत्री – पल्लवी अरुण सोमवंशी
- कौशल्य विकास मंत्री – प्रियंका निंबा अहिरे
याशिवाय रोशनी पाथरे, रोशनी साबळे, करीना चव्हाण, मुस्तनशीर बोहरी, नकुल वाघ, यशराज शेजुळ हे विद्यार्थी देखील उपस्थित होते.
विद्यार्थ्यांना यावेळी करिअर कट्टा डायरी, नियुक्तीपत्र व ओळखपत्र बॅजेस देण्यात आले.
कार्यक्रमाचे सूत्रसंचालन प्रा. डॉ. सतीश मस्के यांनी केले व आभारप्रदर्शन प्रा. सी.एन. घरटे यांनी मानले.
कार्यक्रमाच्या यशस्वीतेसाठी मिलिंद कोठावदे, सुनील पवार, कैलास जिरे यांचे विशेष सहकार्य लाभले.
📸 फोटो: करिअर संसदेच्या पदाधिकाऱ्यांचा शपथविधी करताना महाविद्यालयाचे प्राचार्य डॉ. लहू पवार, प्रा. डॉ. सतीश मस्के व प्रा. सी.एन. घरटे उपस्थित.
(छायाचित्र: अंबादास बेनुस्कर)