धाड ग्रामपंचायतचा निधी घोटाळा? सचिव रवींद्र बोबडे यांच्या 'गुपित' मोहिमेचा पर्दाफाश!
📍 धाड प्रतिनिधी | निलोफर शेख
धाड ग्रामपंचायतीमध्ये मोठ्या आर्थिक गैरव्यवहाराचा आरोप समोर आला असून, ग्रामसेवक रवींद्र बोबडे यांच्यावर निधी लपवण्याचे गंभीर आरोप होत आहेत. केंद्र आणि राज्य शासनाकडून पंधराव्या वित्त आयोगामार्फत कोट्यवधी रुपयांचा निधी धाडसह इतर दहा ग्रामपंचायतींना प्राप्त झाला होता. मात्र, माहिती अधिकारातून मागवलेल्या आकडेवारीनुसार निधीपेक्षा जास्त खर्च दाखवून प्रशासनाची दिशाभूल केल्याचा धक्कादायक प्रकार उघड झाला आहे.
🔎 बोबडे चमत्कार?
ग्रामसेवक बोबडे यांनी दिलेल्या माहितीप्रमाणे:
- केंद्र सरकारकडून आलेला निधी: ₹ 5,38,65,246
- खर्च दाखवला: ₹ 6,68,34,508
याचा अर्थ, 1.29 कोटी रुपयांचा अधिक खर्च दाखवण्यात आला असून, त्यामागे कुठलाही पुरावा नाही! चार ठेकेदारांच्या नावावर खर्च दाखवण्यात आला, मात्र करारपत्र, बिल, कामाचे ठिकाण - काहीही उपलब्ध नाही.
🕵️♂️ 'गुप्त खाती' आणि लपवलेली माहिती
- राज्य सरकारकडून आलेला निधीची माहितीच लपवली
- काम कोणते, कुठे, किती याचा तपशील नाही
- एकूण शिल्लक निधी ₹1,54,68,287 – हा निधी आगामी ग्रामपंचायत निवडणुकीसाठी 'मत विक्री बँके'सारखा वापरण्याचा संशय
🤝 सरपंच - सचिव भागीदार की कमिशन एजंट?
गावाच्या विकासाचे प्रतिनिधी असणाऱ्या सरपंच आणि सचिवांवर 'कमिशन कोर पार्टनर' असल्याचा आरोप ग्रामस्थ करत आहेत. गावाचा कारभार ‘भ्रष्टाचार प्रायव्हेट लिमिटेड’ प्रमाणे सुरू असून, नागरिकांनी थेट फौजदारी गुन्हे दाखल करण्याची मागणी केली आहे.
⚖️ नागरिकांची मागणी:
- संपूर्ण निधीचे लेखापरीक्षण आणि चौकशी व्हावी
- RTI फसवणुकीसाठी सचिवावर सरकारी शिक्षेची कारवाई व्हावी
- स्वतंत्र न्यायालयीन समितीने ग्रामपंचायतीचा कारभार ताब्यात घ्यावा
"ही केवळ बातमी नाही, ही भ्रष्टाचाराच्या जबड्यावरची लाथ आहे!" – असे म्हणत ग्रामस्थांनी सरकारला जाब विचारायला सुरुवात केली आहे.
🛑 ही बातमी म्हणजे सुरुवात आहे. पुढील काळात लुटलेल्या पैशांचा आणि भ्रष्ट कारभाराचा हिशेब जनतेसमोर येणारच!